ឧត្តមសេនីយ៍ឯក រ័ត្ន ស្រ៊ាង ដាក់បទបញ្ជាបង្ក្រាបទីតាំងល្បែងអនឡាញ ការឆកបោកតាមប្រព័ន្ធបច្ចេកវិទ្យា និងហាមដាច់ខាតសមគំនិត ឬលាក់បំបាំងបទល្មើស

 

លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស ជាមេបញ្ជាការកងរាជអាវុធ ហត្ថរាជធានីភ្នំពេញ បាន​ដាក់​បទបញ្ជាដល់មេបញ្ជាការរង ប្រធានមន្ទីរជំនាញ ក៏ដូចជាមេបញ្ជាការមូលដ្ឋាន កងរាជអាវុធហត្ថខណ្ឌទាំង១៤ ត្រូវតែបន្តការ​អនុវត្តតួនាទីភារកិច្ចរបស់ខ្លួនឲ្យនៅតែរក្សាបានស្នាដៃកាន់តែ ប្រសើរឡើងស្របស្ថានភាពសង្គម ជាពិសេសចំពោះមុខត្រូវយកចិត្តទុក​ដាក់ចូលរួម ជាមួយគណៈបញ្ជាការ ឯកភាពរាជធានី និងសមត្ថកិច្ចពាក់ព័ន្ធក្នុងការបង្ក្រាបទីតាំងល្បែងអនឡាញ ការឆកបោក​តាមប្រព័ន្ធបច្ចេកវិទ្យា (online scam) តាមភូមិសាស្រ្តរៀងៗខ្លួនឱ្យខានតែបាន និងហាមដាច់ខាត ចូលរួមសហការសមគំនិត  ឬលាក់ បំបាំងបទល្មើស បើមានការពាក់ព័ន្ធ មិនត្រូវបានលើកលែងឡើយ ត្រូវតែអនុវត្តតាមផ្លូវច្បាប់។

 

ការដាក់បទ​បញ្ជាក់​នេះ ក្នុងកិច្ចប្រជុំបូកសរុបលទ្ធផលការងារការអនុវត្តតួនាទី ភារកិច្ចកងរាជអាវុធហត្ថរាជធានី ភ្នំពេញ និងទិសដៅការងារបន្ត  បទបញ្ជា-សភាពការណ៍ថ្មីៗ ឆ្នាំ២០២៦  នារសៀលថ្ងៃទី២៣ ខែមករា ឆ្នាំ២០២៦ ។