លោក ហួន ច័ន្ទថុន និយាយថា ខ្ញុំសូមគាំទ្រប្រសាសន៍របស់លោក កែវ ឈា ដោយបានលើកឡើងថា ការគំរាមកំហែង ឬការប្រើប្រាស់កម្លាំងប្រឆាំងនឹងសុចរិតភាពទឹកដីរបស់រដ្ឋណាមួយ គឺជាការរំលោភច្បាប់អន្តរជាតិ"

 

តាមរយៈសំណេមួយ ដែលបានបង្ហោះនៅលើផេកផ្លូវការរបស់លោក ហួន ច័ន្ទថុន នៅថ្ងៃនេះថ្ងៃទី២៨ ខែមករា ឆ្នាំ២០២៦ នេះ គេឃើញមានខ្លឹមសារថា  ថ្ងៃនេះតាមរយៈបណ្តាញព័ត៌មាន Fresh News បានបញ្ជាក់ថា កាលពីថ្ងៃទី២៦ ខែមករា ឆ្នាំ២០២៦ ម្សិលមិញ នេះលោក កែវ ឈា ឯកអគ្គរាជទូត និងជាតំណាងអចិន្រ្តៃយ៍កម្ពុជាប្រចាំអង្គការសហប្រជាជាតិ និងមន្រ្តីបេសក កម្ម បានចូលរួមក្នុងកិច្ចជជែកដេញដោលកម្រិតខ្ពស់ប្រចាំខែធ្នូ របស់ក្រុមប្រឹក្សាសន្តិសុខអង្គការសហប្រជាជាតិ ស្តីពី “ការបញ្ជាក់ឡើងវិញនូវច្បាប់អន្តរជាតិ៖ មាគ៌ាឆ្ពោះទៅរកសន្តិភាព យុត្តិធម៌ និងពហុភាគី” នៅទីស្នាក់ការអង្គការសហប្រជាជាតិថ្មី។

.

សំណេនោះបន្តថា នៅក្នុងសេចក្តីថ្លែងការណ៍គាត់បានសង្កត់ធ្ងន់លើបញ្ហាគន្លឹះចំនួនបី៖ (១) ការហាមឃាត់ការគំរាមកំហែង ឬការប្រើប្រាស់កម្លាំងប្រឆាំងនឹងសុចរិតភាពទឹកដីរបស់រដ្ឋណាមួយ ស្របតាមមាត្រា ២.៤  នៃធម្មនុញ្ញអង្គការសហប្រជាជាតិ ដែលជាការរំលោភច្បាប់អន្តរជាតិ។  

 

(២) ការដោះស្រាយវិវាទដោយសន្តិវិធី គឺជាកាតព្វកិច្ចស្របច្បាប់ដែលរដ្ឋសមាជិកត្រូវតែអនុវត្ត ជាពិសេសការដោះស្រាយវិវាទតាមរយៈតុលាការយុត្តិធម៌អន្តរជាតិ ដែលជាយន្តការដែលអាចជឿទុកចិត្តបាន និងធានាបាននូវសន្តិភាពយូរអង្វែងសម្រាប់រដ្ឋសមាជិក។

 

(3) ការគោរពច្បាប់មនុស្សធម៌អន្តរជាតិ  គឺជាធាតុដ៏

ចាំបាច់និងមិនអាចគ្រប់គ្រងបាននៃច្បាប់អន្តរជាតិ។ សកម្មភាពនៃការឈ្លានពានប្រឆាំងនឹងជនស៊ីវិលស្លូតត្រង់ ការបំផ្លាញនិងភូមិគ្រឹះទ្រព្យសម្បត្តិស៊ីវិល ការទប់ស្កាត់ជនស៊ីវិលត្រឡប់មកវិញ ការកាន់កាប់ទឹកដីដោយខុសច្បាប់ និងការខូចខាតបេតិកភណ្ឌវប្បធម៌គឺជាការរំលោភបំពានច្បាប់មនុស្សធម៌អន្តរជាតិយ៉ាងធ្ងន់ធ្ងរ។

 

តាមរយៈប្រសាសន៍របស់លោក កែវ ឈា នេះបានបង្ហាញថា ទោះស្ថិតនៅក្នុងកាលៈទេសៈណាក៏ដោយក្តី អង្គការ សហប្រជាជាតិ ក៏នៅតែមានគោលជំហរគាំទ្រទង្វើល្អនិងរុញច្រាននូវទង្វើឈ្លានពាន ដោយចាត់ទុកទង្វើ ឈ្លានពាន គឺជាឧក្រិដ្ឋកម្មយ៉ាងធ្ងន់ធ្ងរ ដែលប្រជាជាតិក្នុងពិភពលោកមិនចង់បាន ។

 

សំណេរបស់លោក ហួន ច័ន្ទថុន បន្តថា ក្នុងស្មារតីនេះ ក្នុងនាមយើងជាខ្មែរ សូមងាកចេញពីមនោគមនយោ បាយក្រៅប្រទេសដែលបម្រើបុគ្គលនិយម ហើយមកគាំទ្ររាជរដ្ឋាភិបាលកម្ពុជាស្របច្បាប់ចេញពីការបោះឆ្នោតនេះឲ្យបានច្រើនឡើង  ដើម្បីបន្តយន្តការ តស៊ូក្តីផ្លូវច្បាប់លើឆាកអន្តរជាតិឲ្យទទួលជោយជ័យជាផ្លែផ្កា  ឲ្យបានឆាប់តាមគោលបំណងរបស់យើងទាំងអស់គ្នា ៕