រោងចក្រ មីង ហ្វៃ បានរៀបចំសណ្តាប់ធ្នាប់ និងសោភ័ណភាពនៅមុខរោងចក្រ ដើម្បីបង្កលក្ខណៈងាយស្រួលដល់ ការធ្វើចរាចរណ៍និងមានរបៀបរៀបរយ ស្របទៅតាមការជូនដំណឹង របស់រដ្ឋបាលឃុំសែនដី នឹងអនុសាសន៏ដ៏ ខ្ពង់ខ្ពស់ របស់ឯកឧត្តមអភិបាលខេត្ត

 

នាព្រឹកថ្ងៃទី២២  ខែមីនា ឆ្នាំ២០២៦  រោងចក្រ មីង ហ្វៃ អេនធើប្រាយ (ខេមបូឌា) ឯ.ក (MING FAI ENTERPRISE) ដែលមានទីតាំងស្ថិតនៅតាមបណ្តោយផ្លូវលេខ៤១ ក្នុងភូមិវាវង់ ឃុំសែនដី ស្រុកសំរោងទង បានចុះ រៀបចំសណ្តាប់ធ្នាប់ ដោយរុះរើតូបលក់ដូរដែលមិនមានរបៀបរៀបរយនៅមុខរោងចក្រ។

‎

សកម្មភាពនេះធ្វើឡើងក្នុងគោលបំណងរៀបចំតំបន់មុខរោងចក្រឱ្យមានសោភ័ណភាពឡើងវិញ ជាពិសេសការ រៀបចំកន្លែងលក់ដូរឱ្យមានសណ្តាប់ធ្នាប់ត្រឹមត្រូវ ដើម្បីបញ្ចៀសការកកស្ទះចរាចរណ៍ និងធានាបាននូវសុវត្ថិ ភាពក្នុងការធ្វើដំណើររបស់បងប្អូនកម្មករ កម្មការិនី ក៏ដូចជាសាធារណជនទូទៅផងដែរ ។

‎

‎ខាងរោងចក្របានធ្វើការណែនាំនិងរុះរើតូបលក់ដូរដែលដាក់មិនមានរបៀបរៀបរយ និងរំលោភលើចំណីផ្លូវ សាធារណៈ។ នេះជាវិធានការចាំបាច់ដើម្បីរៀបចំតំបន់មុខរោងចក្រឱ្យមានសោភ័ណភាពឡើងវិញ ជាពិសេស សម្រួលដល់លំហូរចរាចរណ៍របស់កម្មករ កម្មការិនីរាប់ពាន់នាក់ ក៏ដូចជាប្រជាពលរដ្ឋដែលធ្វើដំណើរតាម បណ្តោយផ្លូវលេខ៤១ ក្នុងភូមិវាវង់ ឃុំសែនដី ស្រុកសំរោងទង។

‎

‎ខាងរោងចក្របានបញ្ជាក់ថា ការរៀបចំសណ្តាប់ធ្នាប់នេះ គឺធ្វើឡើងដើម្បីបង្កលក្ខណៈងាយស្រួល និងធានាសុវត្ថិ ភាពជូនបងប្អូនកម្មករនិយោជិតទាំងអស់។ យើងចង់ឱ្យមានបរិស្ថានល្អ និងសណ្តាប់ធ្នាប់ត្រឹមត្រូវ ដើម្បីបញ្ចៀស ការកកស្ទះ និងហានិភ័យនៃគ្រោះថ្នាក់ចរាចរណ៍ដែលអាចកើតឡើងជាយថាហេតុ។  គួរបញ្ជាក់ថា សកម្មភាព នេះទទួលបានការគាំទ្រពីសំណាក់អាជ្ញាធរ និងបងប្អូនកម្មករ ដែលយល់ឃើញថាការរៀបចំឱ្យមានសណ្តាប់ ធ្នាប់នៅមុខរោងចក្រ គឺជាកត្តាសំខាន់ក្នុងការសម្រួលដល់ការធ្វើដំណើរប្រចាំថ្ងៃឱ្យកាន់តែមានភាពរហ័ស និង សុវត្ថិភាព៕