រន្ទុះបាញ់មនុស្សបណ្តាលឲ្យ៣នាក់ស្លាប់ និងរងរបួសធ្ងន់ ២នាក់ នៅស្រុកភ្នំស្រួច ខេត្តកំពង់ស្ពឺ ព្រោះតែគ្រោះ ធម្មជាតិ!

 

ពិតជាគួរឲ្យសង្វែកជាខ្លាំង ពិតជាគ្រោះធម្មជាតិយ៉ាងសាហាវពិតប្រាកដមែន ខណៈនៅពេលដែលមានភ្លៀងមួយ មេយ៉ាងធំលាយឡំនឹងផ្គររន្ទះ  បានបាញ់ចំមនុស្សចំនួន៥នាក់ក្នុងពេលតែមួយ នៅចំណុចវាលស្រែស្ថិតនៅភូមិ ព្រៃឬស្សី  ឃុំជាំសង្កែ  ស្រុកភ្នំស្រួច  ខេត្តកំពង់ស្ពឺ  នៅរសៀលថ្ងៃទី៧ ខែមិថុនា ឆ្នាំ២០២៦ ម៉ោង១៣និង​០០នាទី ខណៈដែលជនរងគ្រោះទាំង៥នាក់ កំពុងភ្ជួរស្រែ និងខ្លះទៀតអង្គុយរង់ចាំក្រោមដើមឈើ ។

 

យោងតាមរបាយការណ៍សមត្ថកិច្ចនគរបាលមូលដ្ឋាន បានឱ្យដឹងថា នៅថ្ងៃទី៧ ខែមិថុនានេះ មានភ្លៀងលាយឡំ និងផ្គររន្ទះបាញ់មនុស្ស​ ក្នុងនោះមានស្លាប់ចំនួន ៣នាក់ ស្រី១នាក់ និងរបួសធ្ងន់ចំនួន២នាក់ ។  ជនរងគ្រោះរួម មានទី១៖  ឈ្មោះ សែម រិន  ភេទប្រុស  អាយុ២២ឆ្នាំ (ស្លាប់)​, ទី២៖ ឈ្មោះ ឆាន ចិត្រា  ភេទប្រុស  អាយុ៦ឆ្នាំ (ស្លាប់), ទី៣៖ ឈ្មោះ ឆាន វ៉ាន ភេទស្រី អាយុ៤ឆ្នាំ (ស្លាប់), ទី៤៖ ឈ្មោះ ហ៊ុល សុណា ភេទប្រុស អាយុ២៣ឆ្នាំ របួសធ្ងន់, ទី៥៖ ឈ្មោះ ទូត លាភ ភេទប្រុស អាយុ២១ឆ្នាំ របួសធ្ងន់ ។

 

ជនរងគ្រោះទាំង៥នាក់នេះ រស់នៅភូមិព្រៃឫស្សី  ឃុំជាំសង្កែ ស្រុកភ្នំស្រួច  ចំពោះអ្នករបួសត្រូវបានសាច់ញាតិ បញ្ជូនទៅព្យាបាលនៅមន្ទីរពេទ្យ ៕