ឧត្តមក្រុមប្រឹក្សាពិគ្រោះ និងផ្តល់យោបល់ នឹងបើកដំណើរការប្រជុំប្រចាំខែសីហា នៅថ្ងៃទី២៧ ដឹកនាំដោយ ប្រធានប្តូរវេន ឯកឧត្តម សុខ ប៊ុនសំណាង

 

នៅថ្ងៃទី២០ ខែសីហា ឆ្នាំ២០២៦ ថ្មីៗនេះ  នៅលើផេកផ្លូវការ  របស់លេខាធិការដ្ឋាន ឧត្តមក្រុមប្រឹក្សាពិគ្រោះ និងផ្តល់យោបល់ បានបង្ហោះសំណេថា ឧត្តមក្រុមប្រឹក្សាពិគ្រោះ និងផ្តល់យោបល់ និងបើកដំណើរការអង្គប្រជុំ ប្រចាំខែសីហា  ដោយកំណត់យកថ្ងៃទី២៧  នៃបំណាច់ខែសីហា នេះ ។

 

នៅក្នុងខ្លឹមសារបានបញ្ជាក់ថា លេខាធិការដ្ឋានឧត្តមក្រុមប្រឹក្សាពិគ្រោះ និងផ្តល់យោបល់  មានកិត្តិយសសូម ជម្រាបជូន ប្រជាពលរដ្ឋខ្មែរទូទៅ និងគ្រប់និន្នាការ ទាំងក្នុងប្រទេស ទាំងក្រៅប្រទេស ព្រមទាំងអ្នកសារព័ត៌មាន ជាតិ និងអន្តរជាតិ ឲ្យបានជ្រាបថា ឧត្តមក្រុមប្រឹក្សាពិគ្រោះ និងផ្តល់ យោបល់ មានកិច្ចប្រជុំប្រចាំខែសីហា / ២០២៦  ដឹកនាំដោយប្រធានប្តូរវេន ឯកឧត្តម សុខ ប៊ុនសំណាង  (ប្រធានប្រតិភូគណបក្ស សង្គមអភិវឌ្ឍន៍) ដែលនឹងប្រព្រឹត្តទៅនាថ្ងៃព្រហស្បតិ៍ ១៤កើត  ខែស្រាពណ៍ ឆ្នាំមមី អដ្ឋស័ក ព.ស.២៥៧០  ត្រូវនឹងថ្ងៃទី២៧ ខែសីហា ឆ្នាំ២០២៦ វេលាម៉ោង ០៨និង៣០ នាទី នៅទីស្ដីការនាយករដ្ឋមន្ត្រី (វិមានសន្តិភាព) តាមរបៀបវារៈ ដូចតទៅ ៖

១. ការលើកឡើង របស់ប្រធានប្រតិភូគណបក្ស ដែលមានគំរោងរៀបរៀងទស្សនទានសម្រាប់ខែកញ្ញា  ជូន ប្រមុខរាជរដ្ឋាភិបាល  ។  ២.ការលើកឡើង របស់ប្រធានប្រតិភូសាមីនីមួយៗ អំពីការមើលឃើញជ្រុងណាមួយ នៃបរិបទសង្គម ក្នុងវត្ថុបំណងស្ថាបនាលើកកំពស់អភិបាលកិច្ចល្អ  ។  ៣. ការលើកឡើង របស់ប្រធានលេខា ធិការដ្ឋាន លើកិច្ចការមួយខែកន្លងមក ភ្ជាប់ជាមួយនឹងខ្លឹមសារ និងអត្ថប្រយោជន៍របស់ឧត្តមក្រុមប្រឹក្សាពិគ្រោះ និងផ្តល់យោបល់ និងការពង្រឹងការគោរពអនុវត្តន៍ ព្រះរាជក្រឹត្យស្តីពីការរៀបចំ និងការប្រព្រឹត្តទៅនៃឧត្តម ក្រុមប្រឹក្សាពិគ្រោះ និងផ្តល់យោបល់,  ៤. ផ្សេងៗ ។

គួរបញ្ជាក់ផងដែរ ស្ថាប័នឧត្តមក្រុមប្រឹក្សាពិគ្រោះ និងផ្តល់យោបល់ ដោយមានការរៀបចំសម្របសម្រួលពី សំណាក់ឯកឧត្តមបណ្ឌិតប្រធានលេខាធិការដ្ឋាន គឺបានជម្រុញអោយស្ថាប័នមួយនេះ ដំណើការយ៉ាងរលូន ក្នុងនោះមានទាំងការរៀបចំពិធីការ និងការរៀបចំសម្របសម្រួលលិខិតបទដ្ឋានគតិយុត្តិនានា  លើសពីនេះ ផងដែរ ប្រធានគណបក្សនយោបាយ ដែលចូលរួមជាមួយឧត្តមក្រុមប្រឹក្សាពិគ្រោះ និងផ្តល់យោបល់ ក៏បានចុះ ទំនាក់ទំនងប្រមូលយកអំពីចំណុចភាពមិនប្រក្រតីយ៉ាងច្រើននៅតាមបណ្តាមូលដ្ឋាន  គោរពធ្វើជារបាយ ការណ៍ ហើយក៏ទទួលបានការយកចិត្តទុកដាក់ពីសំណាក់សម្តេចនាយករដ្ឋមន្ត្រី តម្រូវអោយក្រសួងជំនាញ អនុវត្តន៍ ប្រកបដោយប្រសិទ្ធិភាពផងដែរ ៕