ស៊ុតសាច់ បន្លែផ្លែឈើ គ្រឿងទេស អង្ករ និងគ្រាប់ពូជបន្លែចម្រុះ ត្រូវបានក្រុមការងារ របស់គណកម្មាធិការបក្ស មូលដ្ឋានមន្ទីរ កសិកម្ម រុក្ខាប្រមាញ់ និងនេសាទខេត្តកំពង់ស្ពឺ បាននាំផ្ដល់ជូនគ្រួសារវីរៈកងទ័ព និងជនភៀសសឹក គោលដៅទិស ខេត្តបន្ទាយមានជ័យ

 

នៅថ្ងៃសុក្រ​ ១៣រោច​ ខែបុស្ស​ ឆ្នាំម្សាញ់​ សប្តស័ក​ ពុទ្ធសករាជ​ ២៥៦៩​ ត្រូវនឹងថ្ងៃទី១៦ ខែមករា ឆ្នាំ២០២៦ នេះ​ លោក យឹម ណន ប្រធានគណៈកម្មាធិការបក្សមូលដ្ឋានមន្ទីរកសិកម្ម រុក្ខាប្រមាញ់  និងនេសាទ  ខេត្តកំពង់ស្ពឺ អនុប្រធានក្រុមការងារចុះជួយស្រុកបសេដ្ឋ និងជាប្រធានក្រុមការងារចុះជួយឃុំពោធិម្រាល បាននាំយកសម្ភារៈ បរិក្ខារមួយចំនួនដែលបានមកពីការចូលរួមរបស់ប្រជាសហគមន៍ និងអាជីវករប្រកបរបរកសិកម្ម ក្នុងខេត្តកំពង់ ស្ពឺ រួមមាន អង្ករ ស៊ុត សាច់ បន្លែផ្លែឈើ គ្រឿងទេសជាច្រើនមុខ គ្រាប់ពូជបន្លែចម្រុះ និងថវិកាមួយចំនួនទៀត ដើម្បីផ្ដល់ជូនក្រុមការងារក្រសួងកសិកម្មរុក្ខាប្រមាញ់ និងនេសាទប្រចាំគោលដៅឃុំគោករមៀត ស្រុកថ្មពួក ខេត្តបន្ទាយមានជ័យ សម្រាប់ចែកជូនក្រុមគ្រួសារវីរកងទ័ពជួរមុខ និងប្រជាពលរដ្ឋភៀសសឹក។

 

នេះគឺជាសកម្មភាពថ្មីមួយទៀតហើយ ក្រោមការដឹកនាំរបស់លោក យឹម ណន ប្រធានគណៈកម្មាធិការបក្ស មូលដ្ឋានមន្ទីរកសិកម្ម រុក្ខាប្រមាញ់  និងនេសាទ ខេត្តកំពង់ស្ពឺ  ដែលបានចំណាយកម្លាំងកាយចិត្ត រួមនិងថវិកា ដើម្បីជួយរំលែកទុក្ខលំបាកប្រជាពលរដ្ឋរងទុក្ខ ដែលទទួលបានការសាទរយ៉ាងច្រើនពីសំណាក់ប្រជាពលរដ្ឋជា ច្រើនផងដែរ

ថា រូបលោក យឹម ណន និងក្រុមការងាររបស់លោក គឺជាមន្ត្រីដែលមានគុណធម៌ ព្រហ្មវិហារធម៌ ជួយយកអាសារពលរដ្ឋដោយស្មោះ ដោយមិនមានការរើសអើង ៕