ផ្លូវនៅវត្តមហាសាគរកោះប្រាំរយ ស្ថិតនៅភូមិគោកអណ្ដែត ឃុំស្អាងភ្នំ ស្រុកស្អាង ខេត្តកណ្ដាល កំពុងមាន ការខ្វះខាត

 

ផ្លូវនៅវត្តមហាសាគរកោះប្រាំរយ ស្ថិតនៅភូមិគោកអណ្ដែត ឃុំស្អាងភ្នំ  ស្រុកស្អាង  ខេត្តកណ្ដាល  មាន ចំនួនពីរឃុំចូលវត្តជាប់ផ្លូវជាតិ  ស្ថិតនៅឃុំក្រាំងយ៉ូវ  ស្រុកស្អាង  ខេត្តកណ្ដាល លោកមេឃុំនិង  ក្រុមប្រឹក្សា ឃុំបានធ្វើចាក់ផ្លូវបេតុងរួចចប់សព្វគ្រប់អស់ហើយសម្រាប់បរិវេណឃុំក្រាំងយ៉ូវ  ប៉ុន្តែផ្លូវមួយកំណាត់ផ្លូវ ចូលវត្តមហាសាគរកោះប្រាំរយ ស្ថិតនៅភូមិគោកអណ្ដែត  ឃុំក្រាំងយ៉ូវ  វិញ គឺផ្លូវនៅមានផលលំបាកខ្លាំង ។

 

 បងប្អូនប្រជាពុទ្ធបរិស័ទចំណុះជើងវត្ត សូមសំណូមពរមេឃុំក្រាំង  មេត្តាជួយយកលុយមូលនិធិឃុំ-សង្កាត់

កសាងផ្លូវបេតុងចូលវត្តមហាសាគរកោះប្រាំរយ នេះផង ។ ពួកគាត់បន្តទៀតថា  សំណូមពរទៅលោកមេឃុំ ស្អាងភ្នំ មេត្តាជួយកសាងផ្លូវបន្តផ្លូវចូលវត្តមហាសាគរកោះប្រាំរយ បន្តពីផ្លូវបេតុងក្នុងទឹកដីឃុំក្រាំងយ៉ូវ ដែល បានកសាងរួចរាល់ហើយនេះផង  ព្រោះឃុំទាំងពីរនេះ ទឹកដីជាប់គ្នាងាយស្រួលប្រសិនបើមេឃុំមានដំណើរ ការកសាងផ្លូវ  ។

 

ប្រជាពលរដ្ឋពុទ្ធបរិស័ទចំណុះជើងវត្តមហាសាគរកោះប្រាំរយ ស្ថិតនៅភូមិគោកអណ្ដែត ឃុំស្អាងភ្នំ  ស្រុក ស្អាង ខេត្តកណ្ដាល សំណូមពរហើយសំណូមពរទៀត ទៅលោកមេឃុំស្អាងភ្នំ ដែលជាឃុំម្ចាស់គ្រប់គ្រងវត្ត មហាសាគរកោះ ប្រាំរយ  គួរតែយកលុយមូលនិធិឃុំសង្កាត់កសាងផ្លូវចូលវត្ត ដើម្បីស្រួលងាយឲ្យបងប្អូន ប្រជាពលរដ្ឋឱ្យងាយស្រួលធ្វើដំណើរធ្វើបុណ្យធ្វើទានតាមប្រពៃណីព្រះពុទ្ធសាសនា  ដែលជាសាសនា របស់រដ្ឋដែលជាសាសនារបស់ព្រះសម្មាសម្ពុទ្ធបរមគ្រូ នៃយើង ។

 

កន្លងមកពុទ្ធបរិស័ទចំណុះជើងវត្តតែងបានរអ៊ូរទាំថា ឲ្យតែមានភ្លៀងធ្លាក់ម្តងៗ គឺតែងមានសភាពរអិលខ្លាំង ធ្វើឲ្យពួកគាត់ភ័យខ្លាចគ្រោះថ្នាក់ដោយយៈថាហេតុជាខ្លាំង ៕