អភិបាលខេត្តស្ទឹងត្រែងបានអំពាវនាវជាថ្មីម្ដងទៀតដល់ជនខិលខូចមួយចំនួនតូចដែលនៅបន្តប្រព្រឹត្តបទល្មើសនេសាទសូមឱ្យឈប់ជាបន្ទាន់ដើម្បីរួចផុតពីទណ្ឌកម្មផ្លូវច្បាប់!

 

កាលពីរសៀលថ្ងៃទី១១  ខែឧសភា ឆ្នាំ២០២៦ កន្លងទៅនេះ  ឯកឧត្តម សរ សុពុត្រា អភិបាលខេត្ត និងជាប្រ ធានគណៈបញ្ជាការឯកភាពរដ្ឋបាលខេត្ត  បានអញ្ជើញដឹកនាំក្រុមការងារ អមដំណើរដោយឯកឧត្តមអភិ បាលរងខេត្ត កងកម្លាំងទាំងបីប្រភេទ រួមនិងអភិបាលក្រុង.ស្រុកនិងមន្ទីរអង្គភាពពាក់ព័ន្ធ បានចុះសួរសុខទុក្ខ សំណេះសំណាលជាមួយបងប្អូនឆ្មាំទន្លេអភិរក្សសត្វផ្សោត .ក្រុមអភិរក្សត្រីមេពូជ និងគណៈកម្មការសហ គមន៍នេសាទ នៅឃុំស្រែក្រសាំង នៃស្រុកសៀមបូក ខេត្តស្ទឹងត្រែង  ។

ក្នុងពិធីសំណេះសំណាលនោះផងដែរ  លោក ទុំ នីរ៉ូ  ប្រធានមន្ទីរកសិកម្ម រុក្ខាប្រមាញ់និងនេសាទខេត្ត បាន មានប្រសាសន៍ថា៖ ការអភិរក្សសត្វផ្សោតទឹកសាប គឺបានប្រកបទៅដោយប្រសិទ្ធិភាពខ្ពស់ ដោយកាលពី ឆ្នាំ២០២៥ ពុំមានសត្វផ្សោតស្លាប់មួយក្បាលទេ ក្នុងនោះថែមទាំងកើតបានពីរក្បាលបន្ថែមទៀតផងដែរ ។

លោកប្រធានមន្ទីរកសិកម្មបានបន្តថា៖ បច្ចុប្បន្ននេះសត្វផ្សោតនៅខេត្តស្ទឹងត្រែង មានចំនួនចន្លោះប្រមាណ ពី២៨ ទៅ៣២ក្បាល ដែលបាននឹងកំពុងរស់នៅក្នុងអន្លង់ទាំងបីនៅស្រុកសៀមបូក។  ក្នុងនោះរួមមានៈ អន្លង់ត្បូងខ្លា អន្លង់កោះសន្ទក់ និងអន្លង់កោះកូនសត្វ  ។

រួមជាមួយគ្នានោះផងដែរ ឯកឧត្តមអភិបាលខេត្តក៏បានមានប្រសាសន៍សំណេះសំណាល និងថែមទាំងបាន បញ្ជាក់សារជាថ្មីដល់ក្រុមឆ្មាំទន្លេ និងក្រុមសហគមន៍អភិរក្សត្រីមេពូជថា. រដ្ឋបាលខេត្តនិងមន្ទីរក្រុង. ស្រុក កងកម្លាំងប្រដាប់អាវុធដែលពាក់ព័ន្ធ នឹងបន្តគាំទ្រពេញទំហឹងចំពោះបេសកកម្ម ដើម្បីអភិរក្សថែរក្សានូវធន ធានជលផល របស់យើងទាំងអស់គ្នានេះឱ្យឋិតឋេរគង់វង្ស សម្រាប់កូនចៅជំនាន់ក្រោយ ។

សារជាថ្មីម្ដងទៀត ឯកឧត្តមអភិបាលខេត្តក៏បានអំពាវនាវផងដែរដល់ជនខិលខូចមួយចំនួនតូច ដែលបាន នឹងកំពុងតែប្រព្រឹត្តអំពើល្មើសច្បាប់ ដូចជាឆក់ត្រីជាដើមនេះ គឺសុំឱ្យឈប់ជាបន្ទាន់ដើម្បីរួចផុតពីទណ្ឌកម្ម ផ្លូវច្បាប់ ហើយចំពោះករណីនៅតែបន្តប្រព្រឹត្ត នោះសមត្ថកិច្ចជំនាញ នឹងបន្តបង្ក្រាបដោយគ្មានការលើក
លែងឡើយ  ។

សូមបញ្ជាក់ផងដែរថា៖ ក្នុងពិធីសំណេះសំណាលនេះឯកឧត្តមអភិបាលខេត្តក៏បានពាំនាំនូវសំភារៈមួយចំ
នួនដើម្បីផ្ដល់ជូនដល់កម្លាំងអភិរក្សក្នុងការល្បាត រួមមានៈ គ្រឿងឧបភោគបរិភោគនិងថវិកាមួយចំនួន ដើម្បី បន្តបេសកកម្មនេះឱ្យបានជោគជ័យ  ៕