លោកជំទាវ សុភា ប៊ុតឈ័រ ទទួលព្រះរាជប្រោសប្រទានពីសម្តេចប្រមុខរដ្ឋស្តីទី តំណាងដ៏ខ្ពង់ខ្ពស់ របស់ ព្រះករុណា ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ផ្តល់រម្យងារជាឧកញ៉ា ប្រជាពលរដ្ឋទូទាំងបណ្តារាជធានីខេត្ត កំពុងបានរីករាយសាទរយ៉ាងក្រៃលែង

 

សមដូចសុភាសិតខ្មែរមួយលើកឡើងមិនខុសពិតមែន​  គឺធ្វើបាបបានបាប  ធ្វើបុណ្យបានបុណ្យ  ជាក់ស្តែង អស់រយៈពេលកន្លងមកនេះ លោកជំទាវ សុភា ប៊ុតឈ័រ  ដែលអស់រយៈពេលជាច្រើនឆ្នាំមកនេះ គេស្គាល់ ថាជាស្បុរសជនចិត្តបុណ្យ លោកជំទាវបានលះបង់កម្លាំងកាយចិត្ត និងថវិកាដែលជាធនធានទ្រព្យសម្បត្តិ របស់ខ្លួនជួយដល់សង្គមជាតិ ជួយដល់បងប្អូនពលរដ្ឋខ្មែរដែលមានការខ្វះខាត  ជាពិសេសជួយដល់បងប្អូន វរៈកងទ័ពដែលការពារព្រំដែន  ប្រឆាំងទៅនឹងការឈ្លានពានរបស់ក្រុមចោរសៀមថៃ  នៅពេលនេះអ្វី ដែលជាទឹកចិត្តភក្តីភាព របស់លោកជំទាវដែលមានចំពោះមាតុប្រទេស គឺឃើញថាផលបុណ្យបានតប ស្នងដល់លោកជំទាវវីញ យ៉ាងច្បាស់ៗតែម្តង  ។

 

សម្តេចអគ្គមហាសេនាបតីតេជោ ហ៊ុ​ន សែន ក្នុងនាមសម្តេចជាប្រមុខរដ្ឋស្តីទី តំណាងដ៏ខ្ពង់ខ្ពស់របស់ ព្រះករុណា ជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា និងដោយមានការទូល ស្នើសុំ ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាផងនោះ សម្តេចក៏បានត្រាស់បង្គាប់ផ្តល់រម្យងារ លោកស្រី ណូ សុភា ជាឧកញ៉ា ។

 

ទាក់ទិននឹងសេចក្តីត្រេកអរយ៉ាងច្រើនពីសំណាក់ប្រជាពលរដ្ឋកម្ពុជាយ៉ាងច្រើន ពិសេសអ្នកដែលបាន ស្គាល់លោកជំទាវផងដែរនោះ  ជាក់ស្តែងនៅថ្ងៃនេះ នៅលើគណនីហ្វេសប៊ុកផ្លូវការរបស់លោកជំទាវ សុភា ប៊ុតឈ័រ  ក៏បានបង្ហោះសំណេផងដែរ ដែលមានខ្លឹមសារថា  នាងខ្ញុំមានកិត្តិយសយ៉ាងក្រៃលែង សូម ថ្លែងអំណរគុណយ៉ាងជ្រាលជ្រៅចំពោះព្រះមហាក្សត្រ នៃព្រះរាជាណាចក្រកម្ពុជា និង សម្តេចមហាបវរ ធិបតី ដែលបានផ្តល់គោរមងារជា “ឧកញ្ញា” ដល់រូបនាងខ្ញុំ។  នេះជាកិត្តិយសដ៏ធំធេងមួយ ដែលនាងខ្ញុំ នឹង ចងចាំ និងគោរព ថែរក្សាជានិច្ច ។

 

ការទទួលបានគោរមងារដ៏ខ្ពង់ខ្ពស់នេះ  គឺជាកម្លាំងចិត្តដ៏សំខាន់ ជំរុញឱ្យខ្ញុំនាងខ្ញុំ បន្តខិតខំប្រឹងប្រែងបំពេញ កាតព្វកិច្ច បម្រើជាតិ សាសនា និងព្រះមហាក្សត្រ  ដោយស្មោះត្រង់ និងទទួលខុសត្រូវ ។ នាងខ្ញុំសូមប្តេជ្ញា ថា នឹងប្រើប្រាស់កិត្តិយសនេះ ដើម្បីចូលរួមអភិវឌ្ឍសង្គម និងជួយលើកកម្ពស់សុខុមាលភាពប្រជាពលរដ្ឋ ឱ្យកាន់តែប្រសើរឡើង។

 

សូមគោរពជូន ព្រះមហាក្សត្រដ៏ខ្ពង់ខ្ពស់ ព្រមទាំងសម្តេច សូមមានសុខភាពល្អ បរិបូរណ៍កម្លាំង  និងជោគ ជ័យគ្រប់ភារៈកិច្ចជានិច្ច។  សូមគោរពយ៉ាងខ្ពង់ខ្ពស់