ដីព្រៃតាមបណ្តោយផ្លូវតុងមិន ចំណុច( អូររីន )កំពុងក្លាយជាសាច់ជ្រូកបីជាន់ សំរាប់ក្រុមមនុស្សមកពីបណ្តាខេត្ត នាៗ និងអ្នកមកពីតំបន់ផ្សេងគ្នា ក្នុងខេត្តក្រចេះ ហែកចែកគ្នាស៊ី ពលរដ្ឋថា មិនធ្លាប់ឃើញអាជ្ញាធរស្រុកអូរគ្រៀង សែនជ័យ ចុះអើពើម្តងណានៅឡើយទេ

 

ពលរដ្ឋរស់នៅក្នុងតំបន់បាត់បង់ដីព្រៃ កំពុងសំដែងការព្រួយបារម្ភជាខ្លាំង ខណៈដីព្រៃរដ្ឋត្រូវបានក្រុមមនុស្សជា ច្រើនក្រុម  មកពីខេត្តផ្សេងៗនិងក្នុងតំបន់នាៗ ក្នុងភូមិសាស្ត្រ ខេត្តក្រចេះ កំពុងហែកចែកគ្នាទន្ទ្រានកាន់កាប់ដោយ ខុសច្បាប់យ៉ាងអនាធិបតេយ្យ  ដោយឡែកអាជ្ញាធរមូលដ្ឋានហាក់មិនអើពើ ហើបគូទពីកៅអីមិនរួចសោះ ។

 

អ្នកសារព័ត៍មានសហការជាមួយអង្គការសហការការពារសម្បត្តិធនធានធម្មជាតិ ដោយទទួលបានរការ រាយ ការណ៍ និងស្នើរសុំពីពលរដ្ឋជួយសហការស្រាវជ្រាវ ផ្សព្វផ្សាយធ្វើរបាយការណ៍ចែករំលែកព័ត៍មានជូនថ្នាក់ដឹក នាំក៍ដូចជាមជ្ឈដ្ឋានទូទៅ  លោកទទួលទានជ្រាប ។  ជាក់ស្តែងកាលពីថ្ងៃទី៥  ខែឧសភា  ឆ្នាំ ២០២៦ ក្រុមការងា បានចុះទៅដល់តាមបណ្ដោយផ្លូវតុងមិននៅចំណុច (អូរីន) ភូមិត្នោតឃុំរលួសស្រែជិះ  ស្រុកអូរគ្រៀងសែនជ័យ ខេត្តក្រចេះ  ។

 

បានឃើញជាក់ស្តែងមានពលរដ្ឋមកពីបណ្ដាស្រុកឆ្ងាយៗ ខ្លះមកខេត្តត្បូងឃ្មុំ ខ្លះមកពីខាងប្រម៉ា ស្រុកឆ្លូង ខេត្ត ក្រចេះ  មកកាត់ទន្ទ្រានផ្ដួលរំលំហ៊ុំព័ទ្ធយកដីតំបន់នោះ ធ្វើជាកម្មសិទ្ធិយ៉ាងអនាធិបតេយ្យពិតប្រាកដ  នោះទើប អង្គភាពសារព័ត៌មានយើងខ្ញុំនឹងក្រុមអង្គការបានចុះទៅដល់ទីតាំងខាងលើ  បានជួបប្រទះការកាប់កន្ទ្រានបោះ បង្គោលហ៊ុំព័ទ្ធយកដីព្រៃតំបន់នោះ  យកធ្វើសកម្មសិទ្ធិវាលធំល្វឹងល្វើយ  ដូចពលរដ្ឋបានរាយការណ៍ពិតប្រាកដ មែន ។

 

ក្នុងករណីរកាប់បំផ្លាញព្រៃរំលោភយកដីតំបន់នេះ  រយៈពេលកន្លងមកសារព័ត៌មាននិងអង្គការ បានខលតាម រយៈទូរស័ព្ទដៃជាច្រើនដង ទៅ(លោក ឈា ផល្លី អភិបាលស្រុកអូរគ្រៀងងសែនជ័យ) តែលោកមិនលើកយើង បន្តរទំនាក់ទំនងងតាមរយៈប្រព័ន្ធតេឡេក្រាម  ភ្ជាប់ជាមួយទីតាំងរូបភាពនិងវីដេអូរាល់សកម្មភាពការកាប់ទន្ទ្រាន ហ៊ុំព័ទ្ធយកដីព្រៃតំបន់នោះ  ផ្ញើរាយការណ៍ជូនលោក  លោកបានត្រឹមចូលមើលតែមិនមានការឆ្លើយតប   នេះជា អាកប្បកិរិយាធ្វើការ របស់លោកចៅហ្វាយស្រុកអូរគ្រៀងសែនជ័យ ។

 

 ទោះលោកដឹងឬមិនដឹងយ៉ាងណាក្តី  ក៍គួរឆ្លើយតប  វាអត់រំខានពេលវេលាលោកប៉ុន្មាននោះទេ  បើលោកជាមន្ត្រី បំរើរាស្ត្រដោយពិតប្រាកដ

 

ដោយឡែក លោករុនតូនី ប្រធានទីស្នាក់ការរដ្ឋបាលព្រៃឈើរលួសមានជ័យ  លោកបានអោយដឹងថា ចំពោះ សកម្មភាពការកាប់កន្ទ្រានហ៊ុំព័ទ្ធយកដីធ្វើជាកម្មសិទ្ធិពីសំណាក់ពលរដ្ឋនៅតំបន់នោះ  លោកបានរាយការណ៍ ជូនថ្នាក់លើនិងធ្លាប់បានដឹកនាំក្រុមការងារចុះអនុវត្តស្រាវជ្រាវកសាងសំណុំរឿបាន(ចំនួនបួន)ករណីបញ្ជូនទៅតុលាការសាលាដំបូងខេត្តក្រចេះរួចរាល់ហើយ  លោកបន្ថែមថានិងមានចំណាត់ការបន្តនៅថ្ងៃខាងមុខ  ៕